VOV4.K’ho- Ngan ngồn lơh jat jơnau hòi jà bơh Tổng Bí thư ồng Nguyễn Phú Trọng dê mờ bơta đơng lam bơh Kuang đơng lam bồ Đảng, dà lơgar dê, Ủy ban Mặt trận dà lơgar Việt Nam pa di tŭ dong kờl 1 tơlak 700 rbô bơnah piang sàu, ndrờm mờ khà priă 51 tơmàn đông bơh bơnah priă dờp dong kờl rơcang sơndră kòp Covid-19 kờñ pơgồp bơnah bal mờ ală càr, ƀòn dờng tiah đah jum dà lơgar gam lơh jat broă ơm yah ngài mpồl bơtiàn jat jơnau sồr sồ 16 bơh Thủ tướng Chính phủ dê. Khà priă do geh dong kờl tơl bơnah piang sàu ndrờm mờ 30 rbô đông ai 17 càr, ƀòn dờng tơnơ̆ do in: Đồng Nai, Cần Thơ, Bình Phước, Tây Ninh, Bà Rịa- Vũng Tàu, Tiền Giang, Long An, Vĩnh Long, Đồng Tháp, Bến Tre, Hậu Giang, An Giang, Bạc Liêu, Sóc Trăng, Trà Vinh, Cà Mau, Kiên Giang. Ală bơnah piang sàu do geh ală càr, ƀòn dờng dong kờl ai ală cau ờ pràn, cau gơtìp kal ke tài tam cah is, ơm yah ngài mpồl bơtiàn mờ ờ gơ wèt mpồl geh dờp broă dong kờl neh geh.

Cau mblàng K’Duẩn