VOV4.K’ho – Drim òr (4/1), tàm [òn dờng Hồ Chí Minh, pơrjum dơ\ 13 Mpồl Chủ tịch Ủy ban Mặt trận dà lơgar Việt Nam kơnă 8 neh geh mut lơh. Đơs mut pơrjum, ồng Trần Thanh Mẫn, Chủ tịch Ủy ban Mặt trận dà lơgar Việt Nam đơs tờm: Nam 2017, gơguh GDP gùt lơgar dê geh 6,81%, khà jơnhua ngan rlau jơh tàm uă nam do; jơh 13 broă lơh bơh Quốc hội ai tơlik ndrờm lơh geh mờ sơr lèt rlau mờ rơndap broă. Làng bol mờ cau te\ khà đơs niam broă Đảng, dà lơgar, Mặt trận dà lơgar Việt Nam, ală gah, sơnah lơh broă dà lơgar mờ gơnoar atbồ tàm [òn lơgar ală kơnă sùm sền gròi tus broă lơh gàr tơl niam rài kis mpồl bơtiàn.

 Bulah bè hơ\, cau te\ khà kung gam ờ suk bè ờ uă bơta: Bơta niam bơtàu tơnguh, cồng nha lơh broă ờ hềt uă; dồs dà lơgar uă; bơta sa kuề sa kùa, hoàc huơr ờ hềt ngan ngồn geh tơmù; broă lơh wă làng bol, bơsong jơnau yal yă, jơnau dan, jơnau đơs bơh làng bol dê mờ broă yal loh làng ală jơnau đơs pơn dut lùp sền ờ hềt di tu\... Nàng pơ gồp bơnah tơmù bơta sa kuề, sa kùa, hoàc huơr tàm mpồl bơtiàn, tàm pơrjum do, Ủy ban Mặt trận dà lơgar Việt Nam geh broă lơh bơh Mặt trận dà lơgar Việt Nam dê, lơh broă rơcang sơndră sa kuề, sa kùa, hoàc huơr tơngai bơh nam 2018 tus nam 2020.

                                                  Cau cih mờ yal tơnggit K’Duẩn