VOV4.K’ho- Ngai 23/3, Mpồl kuang bàng bơh Mpồl duh broă sùm Ủy ban Mặt trận dà lơgar Việt Nam bơh ồng Phùng Khánh Tài Phó Kuang ătbồ Ủy ban Mặt trận dà lơgar Việt Nam lơh kuang ătbồ mpồl neh lòt sền, gròi sền broă lơh rơcăng tĕ khà kuang bàng Quốc hội khoá XV mờ kuang bàng Hội đồng Nhân dân ală kấp, tơngai lơh broă bơh nam 2021- 2026 tàm càr Dăk Nông. Jăt jơnau yal bơh Ủy ban tĕ khà càr Dăk Nông dê, tus tŭ do, broă lơh rơcăng tĕ khà kuang bàng Quốc hội khoá XV mờ kuang bàng Hội đồng Nhân dân ală kấp tơngai lơh broă bơh nam 2021- 2026 tàm ù tiah càr dê neh lam lơh jăt di jơnau sồr.

Jơh gùt càr neh crơng gơs 2 Mpồl tĕ khà kuang bàng Quốc hội mờ 14 Mpồl tĕ khà kuang bàng Hội đồng Nhân dân càr, 8 Ủy ban tĕ khà Hội đồng Nhân dân kấp kơnhoàl, 71 Ủy ban tĕ khà Hội đồng Nhân dân kấp xã. Tàm dơ̆ lơh broă mờ Ủy ban tĕ khà càr Dăk Nông dê, Mpồl kuang bàng lòt sền, gròi sền bơh Mpồl duh broă sùm Ủy ban Mặt trận dà lơgar Việt Nam dê tơngkah Ủy ban tĕ khà càr pal di tŭ sền gŏ, tam dră, kơryan mờ bơsong ală bơta gơbàn tơn tàm kơnă hơđơm nàng dơ̆ tĕ khà in mùl màl là ngai chờ bơh jơh gùt làng bol dê.

Cau mblàng Lơ Mu K’Yến