VOV4.K’ho- Tềng đap ală bơta gơlik geh kal ke bơh kòp Covid-19, ngai 29/7, bơh khà priă dờp geh, Ủy ban Mặt trận dà lơgar Việt Nam neh tam pà 46 tơmàn đong dong kờl broă lơh rcang sơndră kòp mờ Kes priă vaccine rcang sơndră kòp.

Nền cê bè do, Ủy ban Mặt trận dà lơgar Việt Nam tàm pà 23 tơmàn đong bơh khà priă tă pơgồp dong kờl bơh Tập đoàn Panko tus mờ Ủy ban Mặt trận ƀòn dờng Hồ Chí Minh in nàng dong kờl broă lơh rcang sơndră kòp Covid-19 tàm ù tiah ƀòn dờng Hồ Chí Minh; tam pà tus Hìu sơnơm Kơnòm dềt dà lơgar khà priă 1 tơmàn 500 tơlak đong mờ Hìu sơnơm ƀòn dờng Thuận An, càr Bình Dương in khà priă 1 tơmàn 500 tơlak đong nàng ală mpồl lơh broă in blơi phan bơna măy mok, sơmơm tơm ƀa rcang sơndră kòp mờ dong kờl ai ală y, bác sỹ, cau lơh sơnơm in tus bal sơm kòp ai cau kòp Covid-19 in. Mơkung tam pà khà priă 20 tơmàn đong tus Kes priă vaccine rcang sơndră kòp Covid-19 bơh Bộ Tài chính dê atbồ. Tus tŭ do, khà priă Ủy ban Mặt trận dà lơgar Việt Nam jun tus Kes priă vaccine rcang sơndră kòp Covid-19 gơguh tus rlau 1 rơbô 043 tơmàn đong.

Cau mblàng K’Hạnh