VOV4.K’ho- Ủy ban Nhân dân càr Dăk Lăk geh sră sồr ală kơnhoàl, thị xã, ƀòn dờng sồr ơm ing lơh broă ală anih kă bro drơng broă (quán bar halà pub, anih tam ya, bida, karaoke, tam ya, hìu lơh lơma, tiah nhơl chờ kơnòm dềt...) bơh ngai 4/5/2021. Gơwèt mờ ală anih drơng broă ndai geh ai gơnoar lơh broă mơya pal lơh jăt niam ală broă lơh rơcăng sơndră kòp.

Ală broă lơh tơrgùm gal cau (lơh broă gah jăt yàng, ñô bau, ñô sa kah ngai deh, ñô sa chờ hờp, pơrjum...) pal lơh jăt niam jơnau sồr 5K, sền gròi kràñ ală cau tus bal (ngan là ală cau tus bơh tiah geh kòp). Làng bol tus bơh ală tiah gam lơh jăt jơnau sồr wàng se kơryan kòp bơh ală càr, ƀòn dờng ( cih yal jăt jơnau yal bơh Bộ Y tế dê mờ Ủy ban Nhân dân ală tiah dê) pal tus tàm hìu sơnơm rềp ngan rlau jơh nàng lơh jăt jơnau sồr yal mờ cau lơh sơnơm in mờ lơh jăt niam broă ơm yah ngài is tàm hìu jăt di jơnau sồr.

Cau mblàng Lơ Mu K’Yến