VOV4.K’ho- Mho òr (14/11), Ủy ban Sền sơwì dà lơgar neh geh jơnau yal bè pơrjum dơ\ 19 bơh Ủy ban dê.

Tàm dơ\ pơrjum do, Ủy ban Sền sơwì dà lơgar geh kơrnoat lơh glài bơto tơngkah gơ wèt mờ ồng Phạm Thế Dũng, Phó Bí thư Tỉnh ủy, Bí thư Ban cán sự Đảng mơkung là Chủ tịch Ủy ban Nhân dân càr Gialai lài do bè neh đơs tàm Pơrjum dơ\ 17 bơh Ủy ban Sền sơwì dà lơgar dê. Ủy ban Sền sơwì dà lơgar kung geh kơrnoat lơh glài đơs lah gơ wèt mờ ồng Nguyễn Văn Thử, Phó Bí thư Thường trực Tỉnh ủy Daknông lài do bè neh đơs tàm Pơrjum dơ\ 17 bơh Ủy ban Sền sơwì dà lơgar dê.

Tàm tơngai at gơnoar broă Phó Bí thư Thường trực Tỉnh ủy Daknông, tơngai lơh broă bơh nam 2010- 2015, ồng Nguyễn Văn Thử neh lơh broă ờ jơh kơnòl, ờ go\  sồr sền sơwì, gròi sền, lời gơlik geh broă lơh tìs tàm broă bơcri priă lơh Anih ơn prăp càr dê; lơh tìs jơnau sồr bơh Ban Bí thư dê bè kơ nòl lơh krơh niam bơh kuang bàng, cau geh đảng dê, ngan là kuang đơng lam bồ dờng màng ală kơnă.

Ủy ban Sền sơwì dà lơgar neh sền swì ală jơnau yal cồng nha sền swì broă lơh jat kơnòl broă sền swì, gròi sền, mờ lơh glài đảng gơ wèt mờ Ban Thường vụ Tỉnh ủy mờ Ủy ban Sền sơwì Tỉnh ủy ală càr: Daklak, Tây Ninh, Vĩnh Long...

Cau cih mờ yal tơngi\t- Lơ Mu K’Yến