VOV4.K’ho- Đơs mut pơrjum dơ̆ 4 bơh Ủy ban Thường vụ Quốc hội dê tàm drim ngai 11/10, Chủ tịch Quốc hội ồng Vương Đình Huệ đơs nền ală tơngume geh ai jơnau đơs tàm pơrjum. Pal gròi sền là tàm dơ̆ pơrjum do, Ủy ban Thường vụ Quốc hội kung ai jơnau đơs bè broă rơndap lơh sap sèng wơl rài lơh sa tơngai bơh nam 2021 tus nam 2025; broă rơndap lơh ngui ù tiah dà lơgar tơngai bơh nam 2021 tus nam 2030, broă wèt sền tus nam 2050 mờ broă rơndap lơh ngui ù 5 nam, bơh nam 2021 tus nam 2025. Pơrjum kung ai jơnau đơs bè broă rơcang tus pơrjum dơ̆ 3, tàm hơ̆ geh broă ai tơlik 2, 3 bơta tam gơl pa geh ngui tàm pơrjum dơ̆ 2 mờ broă lam lơh lùp, hơ jơnau lùp tàm pơrjum.

Tàm Jơnau yal tơrgùm jơh ală jơnau đơs, jơnau dan bơh cau tĕ khà mờ làng bol dê pơyua tus pơrjum dơ̆ 2, cau tĕ khà kơp kờñ pal nền nòn sền tàm bơta geh ngan, ai mờng chài gơ wèt tus mờ 2, 3 tơngume đơng lam ờ hềt di mờ bơta geh ngan, ờ hềt ring bal, ală broă gam kwi kuơ, lơyài, rmơp ndơl. Kơp kờñ Chính phủ, ală càr, ƀòn dờng lơh gơlik bơta niam ai broă pơndiang phan bơna, măi mok nàng gàr broă lơh sa, kă bro.

Cau mblàng K’Duẩn