VOV4.K’ho- Pơn jat tai pơrjum dơ\ 34, ngai do 9/5, Ủy ban Thường vụ Quốc hội ai jơnau đơs bè rơndăp cih jơnau yal cồng nha gròi sền broă bơsong, hơ jơnau lùp bơh cau te\ khà dê pơyua tus pơrjum dơ\ 6, Quốc hội khoá 14 dê in; rơndăp cih jơnau yal tơrgùm ală jơnau đơs tă pơgồp bơh cau te\ khà mờ làng bol dê pơyua tus pơrjum dơ\ 7, Quốc hội dê in mờ ai jơnau đơs bè broă rcăng pơrjum dơ\ 7 bơh Quốc hội dê.

Kung tàm ngai do, Ủy ban Thường vụ Quốc hội ai jơnau đơs (dơ\ 2) bè rơndăp lơh Adat tam gơl, bơtơl bàr pe bơta bơh Adat Bơcri priă dà lơgar. Rơndăp lơh Adat tam gơl, bơtơl bàr pe bơta bơh Adat Bơcri priă dà lơgar cih broă tam cah rơndăp broă lơh kuơmàng dà lơgar jat mpồl A, B, C.

Jat ală kuang bàng đơs, broă tam gơl tơnguh priă bơcri bơh ală rơndăp broă lơh kuơmàng dà lơgar dê pơndrờm mờ khà gam ai tu\ do, gơguh 20 rbô tơmàn đong là khà priă uă ir, gơlam tus ờ jai gròi sền, dilah Quốc hội đơs 10 rbô tơmàn đong kung gam là khà priă dờng sơl, ai lơyah rlau nàng kờ` gơtùi mu\t lơh ngan ngồn tàm rài kis. 

Cau mblàng Lơ Mu K’Yến