VOV4.K’ho- Pơn jat tai pơrjum dơ\ 32, mho òr (11/3), Ủy ban Thường vụ Quốc hội ai jơnau đơs bè Adat ling klàng làng bol sền gàr is (tam gơl). Ală kuang bàng sồr lơh adat ling klàng làng bol sền gàr is pràn kơldang làm khăp bă tiah, pal kơlôi sơnơng nền jơnau cih bè kơnòl bơh Ling klàng làng bol sền gàr is dê nàng kờ` lơh geh bơta gơtùi ngui ngan ngồn tàm rài kis; Kơlôi sơnơng nền bè broă lơh bơ\t bơtàu tiah rcăng gàr lài.

Đơs tàm dơ\ pơrjum, Chủ tịch Quốc hội mò Nguyễn Thị Kim Ngân đơs là, broă rề ơnàng mpồl ling klàng làng bol sền gàr is, mơya ờ go\ di là lơh gơ gơs mpồl ling lơh broă ngan ngồn bơh dà lơgar dê, Chủ tịch Quốc hội sồr, lơh bè lơi bơ\t bơtàu ling klàng làng bol sền gàr is pràn kơldang làm khăp bă tiah.

Sền gàr is tàm mpồl lơh sa kă bro pal lơh geh bơta gơtùi lơh broă ngan ngồn tài bơh mpồl lơh sa kă bro geh uă broă lơh bơh lơh sa is tus geh priă bơcri lơgar ndai. Ngai do, Ủy ban Thường vụ Quốc hội ai jơnau đơs bè ală broă gam geh jơnau đơs krơi is bơh rơndăp lơh Adat Kiến trúc, rơndăp lơh Adat Bơto bơtê (tam gơl).

Cau mblàng Lơ Mu K’Yến