VOV4.K’ho - Pơn jăt tai broă pơrjùm dơ̆ 57, drim òr (15/06), tàm hìu Quốc hội, Ủy ban Thường vụ Quốc hội pơgồp jơnau đơs bè jơnau yal cồng nha lơh jăt rơndăp broă tơnguh bơtàu lơh sa mpồl bơtiàn mờ kes priă dà lơgar 6 nhai bồ nam mờ ală broă lơh jăt rơndăp broă tơnguh bơtàu lơh sa mpồl bơtiàn, kes priă dà lơgar 6 nhai lồi nam 2021.

Chủ tịch Quốc hội ồng Vương Đình Huệ đơng lam dơ̆ pơrjum. Tàm pơrjum, ală kuang bàng tàm Ủy ban đơs là: Chính phủ pal gàr niam bơta ring niam broă lơh sa dờng, pal gàr geh khà gơmù khà priă mờ priă cồng ờ uă, khà priă geh ring niam, bơcri priă dà lơgar pal geh di tơngu me, tiah bơcri priă kă bro geh sền gròi niam mờ geh gơguh sùm, geh bè hơ̆, tŭ kòp gơtờp neh lòt gan den broă lơh sa lơgar he hơ̆ sồng mhar geh brồ guh mờ tơnguh bơtàu.

Jăt jơnau yal, 6 nhai bồ nam 2021, khà gơguh GDP kờp dŭ geh di pơgăp 5,8%. Tă tàm kes priă dà lơgar kờp dŭ geh 55,5% khà rơndăp broă, gơguh 10,9% pơn drờm mờ tŭ do nam 2020. Tàm bơta kòp Covid-19, ală khà broă pà gŏ cồng nha niam, mơya ờ hềt geh di jăt mờ khà broă neh geh ai. Pal kah ngan geh di pơgăp 23% khà mpồl lơh sa kă bro dan lĭk bơdìh drà kă bro, yal bè bơta pràn ơ̆t ơl bơh ală mpồl lơh sa kă bro neh gơmù tài bơh kòp gơtờp.

Cau mblàng Ndong Brawl