VOV4.K’ho - Pơn jăt tai pơrjum dơ̆ 4, drim do (12/10), Ủy ban Thường vụ Quốc hội pơrjum ndơ̆p, ai pơgồp jơnau đơs bè ală jơnau yal bơh Chính phủ bè cồng nha lơh jăt rơndăp broă tơnguh bơtàu lơh sa mpồl bơtiàn nam 2022; rơndăp broă kes priă dà lơgar mờ gùng dà tam pà kes priă dà lơgar nam 2022.

                                             Dùl dơ̆ pơrjum bơh Ủy ban Thường vụ Quốc hội

Tơngu me tơrgùm bal mờ rơndăp broă bơ̆t bơtàu wơl broă lơh sa tơngai bơh nam 2021 tus 2025 là ai geh broă tam gơl loh làng tàm broă tơnguh lơh sa jăt gùng dà ai tàm broă gơguh cồng nha, bơta niam, bơta pràn tàm pơrlòng. Mờ tơnguh uă cồng nha ngui bơta pràn, nùs nhơm lơh tờm is mờ broă gơdờp bal bơh broă lơh sa; rơhời wèt tus broă lơh sa ai tàm khoa học mờ công nghệ, tam gơl pa bơceh lơh, gàr niam broă tơnguh bơtàu mhar mờ kơl jăp. Bal mờ hơ̆, tơnguh bơta pràn broă lơh dờng, ai geh bơta kơl jăp broă lơh mờ cơ chế lơh niam wơl nàng di pal mờ broă rơcang sơndră tềng đăp mờ ală bơta tam gơl bơh bơdìh.

Cau mblàng Ndong Brawl