VOV4.K’ho- Tàm mho ngai 13/7, ai jơnau đơs bè gùng dà broă lơh bơcri priă Broă lơh Jơnau kờñ dà lơgar bơ̆t bơtàu ƀòn lơgar pa tơngai bơh nam 2021- 2025, Ủy ban Thường vụ Quốc hội ring bal ai 30 rbô tơmàn đong priă bơcri dà lơgar dê di mơ tơngai ai lam lơh Broă lơh in. Bơta pa pal sền ngăc ngan bơh Broă lơh dê tàm tơngai bơh nam 2021- 2025, hơ̆ là: Bơ̆t bơtàu Ală Broă jàu dà lơgar dê bè ƀòn lơgar pa ală kấp (càr, kơnhoàl, xã) jăt ală khà (tơl khà, tơnguh uă mờ lam lài).

Broă lơh do lơh ngan geh êt ngan rlau jơh là bơh 80% kờp jơh khà xã bơh jơh gùt lơgar dê lơh geh tơl khà ƀòn lơgar pa, tàm hơ̆, geh pơgăp 40% khà xã geh tơl khà ƀòn lơgar pa gơguh jơnhoa, 10% khà xã lơh geh tơl khà ƀòn lơgar pa lam lài; lơh ngan tus nam 2025 jơh gùt lơgar ờ gam tai xã hơđơm 15 broă jàu; hòi jà ală tiah geh tơl bơta rơcăng lài bơ̆t bơtàu ƀòn lơgar pa lam lài. Ồng Vương Đình Huệ- Chủ tịch Quốc hội sồr tàm pơnring priă jền, tơrgùm ai lài ai broă lơh jơnau kờñ dà lơgar in bè bơ̆t bơtàu ƀòn lơgar pa tơngai bơh nam 2021- 2025, geh bal priă bơcri, priă broă lơh ờs mờng; priă dà lơgar, priă kấp dà lơgar mờ kấp ƀòn lơgar, tơrgùm uă ngan rlau jơh ai broă lơh in.

Cau mblàng Lơ Mu K’Yến