VOV4.K’ho - Pơn jăt tai broă lơh tàm pơrjum dơ̆ 6, drim òr (10/12), pơgồp jơnau đơs bè gùng dà bơcri priă Rơndăp broă lơh gùng ù gờl ntoăt jờl đah tô-đah jum hờ đah măt tơngai lik tơngai bơh nam 2021 tus 2025, Ủy ƀan Thường vụ Quốc hội sồr pal kơlôi sơnơng nền nòn mờ mblàng loh rơlao tai gùng dà bơcri priă jăt broă lơh 4 gah rơndeh lòt 24,75 thơ̆k pơn drờm mờ broă lơh 4 gah rơndeh lòt ndrờm mờ 17 thơ̆k nàng gàr niam ờ do ờ dă geh cồng nha tàm broă lơh.

Ủy ƀan Thường vụ Quốc hội ring bal yal Quốc hội sền wơl kơrnoăt broă bơcri priă jơh gùt rơndăp broă lơh mờ priă bơcri dà lơgar dê. Mờ săp sèng wơl rơndăp broă bơcri priă dà lơgar di mơ tơngai nàng ai bơh khà priă tàm rơndăp broă di mơ tơngai lơh jăt rơndăp broă lơh gùng ntoăt jờl đah tô-đah jum hờ đah măt tơngai lik tơngai bơh nam 2024 tus 2025. Yal Quốc hội ai Ủy ƀan Thường vụ Quốc hội in sền, tơlik kơrnoăt gùng dà tam gơl broă ngui brê bơh rơndăp broă lơh tàm jơnau yal kơlôi sơnơng geh cồng nha.

Kung tàm ngai òr (10/12), Ủy ƀan Thường vụ Quốc hội neh pơgồp jơnau đơs bè broă rơcang pơrjum ni sơna bơh Quốc hội khoă 15 dê.

Cau mblàng Ndong Brawl