VOV4.K’ho- Pơn jat tai pơrjum dơ̆ 3 bơh Ủy ban Thường vụ Quốc hội dê, ngai 20/9, tềng đap bơta đơng lam bơh Chủ tịch Quốc hội ồng Vương Đình Huệ dê, Ủy ban Thường vụ Quốc hội ai jơnau đơs bè ală jơnau yal broă lơh nam 2021 bơh Khối sền gàr adat boh lam dê.

Cribơyai tàm pơrjum, Ủy ban Thường vụ Quốc hội đơs, jơnau yal bơh Chính phủ, Anih cah rơña jơnhua ngan rlau jơh dà lơgar, Viện Kiểm sát Nhân dân jơnhua ngan rlau jơh dà lơgar dê geh rơcang lài mùl màl, niam ngan mờ geh uă tam gơl pa. Bulah bè hơ̆, sồr ală anih lơh broă pal lơh loh tai ală broă lơh nàng tơnguh ală bơta niam tàm broă lơh rơcang sơndră cau tìs, broă lơh tìs adat boh lam mờ rơcang sơndră sa kuề sa kuà; mờ kung bơsong ală bơta ờ niam, lơh loh tai ală jơnau digơlan gơlik geh 2, 3 broă lơh tìs adat boh lam pa nàng geh broă lơh bơsong; pal pơn jat tai lơh sir thể chế, tam gơl pa broă lơh đơng lam bồ, pơlam, sơlơ tơnguh broă lơh pơgồp bal, tàm hơ̆ sền gròi tus broă tam gơl, bơ tơl, lơh sir cơ chế, broă lơh, ală jơnau dan mùl màl gơ wèt tus mờ Quốc hội, Ủy ban Thường vụ Quốc hội.

Cau mblàng K’Duẩn