VOV4.K’ho- Pơn jat tai broă lơh pơrjum dơ̆ 3, drim ngai 14/9, ai jơnau đơs bè jơnau yal broă lơh nam 2021 mờ broă rơndap lơh sền sơwì kờp dŭ dơ̆ ngui priă jền nam 2022 bơh gah Sền sơwì kờp dŭ dơ̆ ngui priă jền dà lơgar dê, Ủy ban Thường vụ Quốc hội sồr gah Sền sơwì kờp dŭ dơ̆ ngui priă jền dà lơgar tơrgùm sền sơwì kờp dŭ dơ̆ ngui priă jền broă hòi jà, tă pơgồp tam pà bal mờ ngui priă jền ai broă lơh rcang sơndră kòp Covid-19.

Tàm dơ̆ pơrjum, ồng Vương Đình Huệ- Chủ tịch Quốc hội sồr yal loh làng, song dơ pă tàm broă lơh sền sơwì kờp dŭ dơ̆ ngui priă jền nàng lơh kràñ lơh glài, lơh glài bè priă jền. Bè broă rơndap lơh sền sơwì kờp dŭ dơ̆ ngui priă jền nam 2022, Chủ tịch Quốc hội sồr jơnau kờñ bal kung pal ai bơta lơh ngan lơh kơ̆ kơljap lơh bơnàng jă lơh sa dờng lam lài, gàr niam broă lơh glài, lơh glài mờ priă jền kes priă dà lơgar dê, gàr niam bơta ờdo ờdă kơ̆ kơljap bơh dồs dà lơgar dê, lơh glài dồs dà lơgar tàm ală mpồl ai càn priă; tơrgùm lơh loh tơrgùm khà, rơndap tap sèng, bơta niam bơh ai càn priă dê, ngan là khà nàng tam gơl pa priă nhai.

Cau mblàng K’Hạnh