Tus bal bơsram ơdŭ do geh 64 nă cau chài mờ cau bơsram là kòn cau Rơđê ơm tàm xã Ea Tu, ƀòn dờng Buôn Ma Thuột. Ală cau bơsram geh bơto pơlam ală bơta chài đal gĭt, mblàng sền, săc rwah nàng yal tơnggĭt is ală phan lời wơl niam chài bè cing mồng, jơnau pơnđik, đờng goòng jơi bơtiàn dê; ngui bơta chài photovoice- mpồl bơtiàn yal is ală jơnau yal niam chài bơh să tờm he dê…

Bal mờ bơsram jơnau tàm sră pơ àr, cau bơsram geh lòt tàp lơh, lòt sền ngan ngồn tàm ală ƀòn lơgar. Bơh hơ̆ dong cau bơsram ngui niam is bơta kwơ phan lời wơl niam chài ờs mờng bơh yau tàm mpồl bơtiàn he dê tơn, geh tơl pràn lơh gơlik geh ală phan bơna kŭp rùp mờ bơta niam tơnggume mờ rùp hin, săp ntas niam rlau jăt gùng dà geh jơnau kờñ loh làng. Mơkung gĭt wă jrô ơnàng rlau bè bơta kwơ, gơnoar broă bơh phan lời wơl dê mờ rài kis mpồl bơtiàn, rơcăng lài jăt ngui broă lơh photovoice tàm yal tơnggĭt, mblàng lơh loh, prăp gàr mờ yal tơnggĭt ală bơta kwơ phan lời wơl niam chài jơi bơtiàn dê gơ jăt bal mờ bơtàu tơngguh lòt nhơl.