Củ tịc Quôk hội ồng Trần Thanh Mẫn bal mờ kwang đơng lam bồ Đảng, Dà lơgar tus bal broă lơh đơs crih tam ya do. Mờ tơngume “Tài làng bol hŭi să tờm” broă lơh geh bơyai lơh mờ broă lơh đơs crih tam ya teh kơñi, geh bơyai lơh đah bơdìh tàm gùng tàm tìp Nguyễn Huệ  mờ Lê Lợi (Quận 1, ƀòn dờng Hồ Chí Minh). Đah ù tiah pờ, mang đơs crih tam ya mờ dồ ròt ală jơnau đơs crih kăc màng gam sùm geh ràng tơlik bơh mpồl teh kơñi bơh ală cau đơs crih, cau chài đơs crih tam ya, cau lĭp kơñi chài ngan, cau tiơng pơn rơ ngan jơh gùt lơgar dê.

Broă lơh neh lơh tơngŏ wơl dùl bă niam ngan mờ geh gơtha kah yau dờng màng bơh jơi bơtiàn Việt Nam, bơh Mpồl Ling klàng Làng bol Việt Nam dê tàm gùng lòt kah yau 80 nam bơt bơtàu, tam lơh mờ bơtàu tơnguh. Bơh ală broă lơh: “Dà lơgar tàm plai nùs”; “Jơnau đơs crih ờ tŭ lơi hŭi” mờ “Tài Làng bol hŭi să tờm”; broă lơh jờng rơ rùp hin “Cau ling Wa Hồ” ală nùs nhơm niam bơnĕ ngan, ràng tơlik wơl ală rài kis kah yau bơh jơi bơtiàn dê. Broă lơh neh lơh tơrgùm wơl jơh dùl tơngai kah yau dờng màng, jê sồt muăt jrùm, gơtuh bềng ntìng mhàm, bơta chơ̆t phi să, muăt jrùm roh rui mơya pơn rơ ngan bơh gùt jơi bơtiàn dê nàng ai wơl lơngăp lơngai is, khat gơboh ai Dà lơgar, tơrgùm dùl dà ia brê bơnơm, lơh uă cau ala mat mờ cau tus sền  ngoh rơngăc ngan.