Broă lơh tơrlòng lài là dùl tàm ală broă lơh lơh jăt kơnòl broă bơh Rơndăp broă lơh 6 dê tàm tơngume “Broă lơh jơnau kờñ dà lơgar bơtàu tơngguh lơh sa- mpồl bơtiàn tiah làng bol jơi bơtiàn dồ êt nă cau mờ tiah kơh bơnơm, tơngai bơh nam 2021- 2030. Tus bal broă lơh tơrlòng lài, mờ bơta bơto pơam bơh ală cau yal jơnau mờ ală tŭ bơto yal wơl tàm mpồl bơtiàn, ală cau bơsram geh bơsram ală bơta chài dròng cing bơh ƀươn tus kal ke, lơh niam wơl ală bơta tìs mờng gơtìp tàm tŭ dròng cing jañ mồng, lùp nàng gĭt tai bàr pe bơta jơnau cing yau bơh kòn cau Rơđê dê. Ală cau bơsram kung geh bơto pơlam bơta chài photovoice- ngui rùp hin nàng yal ală jơnau yal bè niam chài jơi bơtiàn dê. Broă lơh tơrlòng lài dong làng bol gĭt wă loh rlau bè bơta kwơ phan lời wơl mờ he gam prăp gàr, sơlơ pơñiờ să mờ pơn jăt tai jàu lời wơl ù tiah niam chài cing mồng Tây Nguyên; Ai tơl bơta nàng phan lời wơl niam chài cing mồng gơgơs là bơta pràn ai lòt nhơl in, tàm tơrbŏ mpồl bơtiàn mờ lơh geh gùng lòt nhơl phan lời wơl.

Tơnơ̆ ƀòn dờng Buôn Ma Thuột, Sở Niam chài, Tàp pràn să jan mờ Lòt nhơl càr Dăk Lăk rơ̆p pơn jăt tai lam lơh, rề ơnàng lơh uă tàm ală kơnhoàl nàng lơh geh ală anih tàm tơrbŏ ală gùng lòt phan lời wơl tàm càr Dăk Lăk.