Nam 2024, Broă gùt làng bol tam klăc bơ̆t bơtàu rài kis niam chài neh lơh geh cồng nha bơh dà lơgar tus tàm ală tiah pơgồp bal mờ ală jơnau kờñ, kơnòl broă bơtàu tơnguh lơh sa mpồl bơtiàn, pơn jăt tai lơh geh uă bơta pràn tàm rài kis mpồl bơtiàn.

Bơh ală tơngu me lơh broă bơh broă lơh dê, làng bol bal mờ ală mpồl lơh broă neh ngui bơhiàn dong kờl bal, lơh pràn broă “Kis git jơnau git adăt”, còp să, pơn dờm, ai tơngŏ nùs nhơm git ưn ngài gơwèt mờ cau geh màng mờ dà lơgar. Đơs tàm dơ̆ pơrjum, Phó Thủ tướng ồng Lê Thành Long đơs nền, broă lơh “Gùt làng bol tam klăc bơ̆t bơtàu rài kis niam chài” pơn jăt tai là bơta tờm kơ̆ kơl jăp tàm bal tus tàm ală gah broă rài kis mpồl bơtiàn. Sồr tàm nam 2025, rơwah geh ală tơngu me ha là ai geh bơta niam nàng lơh di pal, tàm hơ̆ uă ngan là sền kwơ tus broă tam dră ờ lời gơwèt mờ ală broă lơh tìs ờ di mờ bơta niam chài, geh tŭ là tìs mờ adăt boh lam dê.