Broă lơh geh rơndap tap sèng gơs 3 bơnah: Cau lòt jòi rùp să bơh dà lơgar dê - ai tơnggŏ wơl gùng lik lòt jòi gùng tơngklàs dà lơgar, sơn đờm bơh ù tiah ƀòn tờm ƀòn Sen, nùs nhơm mè mờ kòn mờ tŭ jơ tàm tơngac; Bơta àng lam gùng tơrgùm jờng rơ bồ tơngoh, nùs nhơm, niam chài rài kis Hồ Chí Minh mờ gùng kac màng mờ Việt Nam kah sùm jơnau đơs Wa Hồ dê - đơs nền cồng nha lơh geh mờ bơta pơn yờ să bè dùl Việt Nam bơtàu tơnguh jat gùng mờ Wa Hồ neh sac rơ wah, lơh gơ rề nùs nhơm pin dờn - mut gơ rờm bal - brồ guh.

Broă lơh đơs crih tam ya “Àng gơ crà sùm mat sơnđan Wa Hồ dê” ờ mìng là broă lơh niam chài - đơs crih tamya geh kuơ ngan ngồn di tơngkah kir sơnrai Ngai deh Củ tịc Hồ Chí Minh, mờ gam là dơ̆ nàng mblàng yal, bơto bơtê bơhiàn kờñ gơboh dà lơgar, gùng dà kac màng; pơgồp bơnah tơnguh jơnau git wă, sơlơ bơt bơtàu tai bơta pin dờn, lơh gơlik nùs nhơm geh kơnòl mờ bơta kơp kờñ tă pơgồp bơh ală rơnàng làng bol dê, is ồn là rơnàng cau kơnòm să tàm broă bơsram mờ lơh jat bồ tơngoh, nùs nhơm, niam chài rài kis Hồ Chí Minh.