Geh bơyai lơh tus jơh ngai 20 nhai 8 do, Dơ̆ ràng tơlik wăc sềr rùp Cing dà sơng ràng tơlik 50 rùp wăc sềr bơh 24 nă cau wăc sềr rùp, cau tàm mpồl cau wăc sềr rùp, cau lơh broă mờ Mpồl Cih jơnau đơs crih tam ya càr Dăk Lăk dê. Tơl nơm rùp cèng dùl bơta dà sơng krơi is, ngui uă bơta wăc sềp bè sơn zờu, sơn mài, dà sơng dà...

Ală rùp wăc sềr geh wăc sềr bơh rùp hin rài kis ƀòn lơgar, ală phan ngui mờng kwèng tàm rài kis ală jơi bơtiàn kòn cau tàm càr Dăk Lăk dê, ală brê chi, ƀlàng bơkào blàng rơmĭt... lơh geh dùl ù tiah wăc sềr rùp niam ngan, cèng bềng bơta niam ù tiah Tây Nguyên dê. Tàm broă lơh, Mpồl cau wăc sềr rùp càr Dăk Lăk kung bơyai lơh tìp mat cribơyai mờ tơngume “Wăc sềr rùp càr Dăk Lăk ală jơnau yal...” nàng kờñ dong làng bol kờñ mờ broă wăc sềr rùp geh iăt kơno tơn ală cau wăc sềr rùp đơs bè tàm tŭ bơceh wăc sềr rùp mờ ai rùp wăc sềr tus rềp rlau tai mờ làng bol.