Sơnđờm mut ngui rơndeh ồs “Pơ ùr Bơtau” drơng năc lòt nhơl tàm ƀòn dờng Dà Làc
Thứ tư, 14:49, 25/12/2024
Cau mblàng K’Hạnh/VOV Tây Nguyên
Cau mblàng K’Hạnh/VOV Tây Nguyên
VOV4.K’Ho- Mang òr (24/12), tàm ƀòn dờng Dà Làc, càr Lâm Đồng, Kông ty dờng Gùng rơndeh ồs Việt Nam ngan ngồn mut ngui rơndeh ồs niam ngan La Reine (ùr bơtau) drơng năc lòt nhơl tàm gơl gùng Dà Làc mờ Trại Mát.
Do là broă lơh lòt nhơl lơh jat Festival bơkào Dà Làc dơ̆ 10 nam 2024. Ală gòng bơh rơndeh ồs dê cèng mat ùr bơtau geh mòn lơh hàng ngan, niam ngan, là bơta pơgồp bal đah broă lơh Đông Dương mờ broă lơh lơgar Tây dê, cèng bơta niam bơnĕ yau tiah đah Mat tơngai lik câu Á mơkung cèng bơta lơbơn niam ngan bơh Dà Làc dê.
Ală gòng rơndeh ồs geh crăp 36 nơm cơghĕ nggui 2 gah lơh geh bơta ƀuơn ngan ai năc lòt nhơl in sền ù tiah hàng niam jat kềng gah gùng rơndeh ồs. Đơs tàm dơ̆ sơnđờm mut ngui rơndeh ồs, ồng Nguyễn Thái Học, At bồ ing Ƀí thư Tỉñ ủy càr Lâm Đồng đơs nền do là dùl bơta lòt nhơl niam ngan, gơ hòi gơ jà uă năc lòt nhơl tus sền gĭt mờ tus sền.
Viết bình luận