Càr Kon Tum dơ̆ sơnrờp bơyai lơh Dơ̆ pơrlòng trŭ gơm phan sa sơnơm
Thứ sáu, 13:59, 08/12/2023
Cau mblàng: Lơ Mu K'Yến/ VOV Tây Nguyên
Cau mblàng: Lơ Mu K'Yến/ VOV Tây Nguyên
VOV4.K’Ho- Mờ jơnau kờñ prăp gàr, jờng rơ muh mat, yal tơngĭt ală phan sa ờs mờng bơh yau bơh cau Sơdàng dê mờ gơhòi gơ jà năc lòt nhơl, mho ngai 07/12, Ủy ƀan Ñân zân kơnhoàl Tu Mơ Rông, càr Kon Tum dơ̆ sơnrờp bơyai lơh “Dơ̆ pơrlòng trŭ gơm phan sa sơnơm- Bơta niam bơnĕ brê bơnơm Ngọc Linh dê”.
Dơ̆ pơrlòng nàng kờñ yal tơngĭt ală phan sa mùl gŏ, ờs mờng bơh yau bơh cau Sơdàng dê trŭ gơm, geh tus 95% khà kờp làng bol jơh gùt kơnhoàl Tu Mơ Rông dê mờ bơceh lơh tai ală phan sa bơkah, tơl pràn bơh ală tờm chi lơh sơnơm tŭ do gam geh tàm tiah he dê, bè kơnuh sơnơm Ngọc Linh; kơnuh sơnơm jriang; ngũ vị tử.
Ồng Võ Trung Mạnh, Củ tịc Ủy ƀan Ñân zân kơnhoàl Tu Mơ Rông pà gĭt, tơnơ̆ Dơ̆ pơrlòng ală broă pơlam trŭ gơm ală bơta phan sa pa bơh kơnuh sơnơm jriang rơ̆p geh kơnhoàl cih tàm sră nàng yal tơngĭt mờ làng bol bal mờ năc lòt nhơl in. Bơh dơ̆ pơrlòng do, cau Sơdàng bơh kơnhoàl dê lùp bơsram geh uă broă pơlam trŭ gơm phan sa bơh tờm chi lơh sơnơm nàng drơng ai năc lòt nhơl in lơh geh tai priă jền bơtàu tơnguh uă rài kis.
Viết bình luận