Càr Kon Tum lơh broă geh cồng nha 5 Mpồl lam lài tus dong kờl mhar rềs àr gùng lòt
Thứ ba, 13:46, 19/09/2023
Cau mblàng: Lơ Mu K'Yến/ VOV Tây Nguyên
Cau mblàng: Lơ Mu K'Yến/ VOV Tây Nguyên
VOV4.K’Ho- Ngai 18/09, tàm thị trấn Đăk Tô, kơnhoàl Đăk Tô, Tỉñ đoàn càr Kon Tum bơyai lơh Ngai chờ ơruh pơnu mờ bơta niam chài lòt rê tàm gùng lơh jăt Nhai lơngăp lơngai lòt rê tàm gùng nam 2023.
Tàm Ngai chờ, Tỉñ đoàn càr Kon Tum yal kơrnoăt lơh mờ pơn jăt tai lơh broă sùm 5 Mpồl ơruh pơnu lam lài tus bal dong kờl bơh chờm, tus bal dong kờl mhar rềs àr gùng lòt tàm gùng Hồ Chí Minh tus nam 2027, geh rơndăp lơh tàm ù tiah 5 xã bơh 4 kơnhoàl jăt gah gùng Hồ Chí Minh, geh xã: Đăk Man, Đăk Môn bơh kơnhoàl Đăk Glei dê; xã Đăk Dục, kơnhoàl Ngọc Hồi dê; xã Tân Cảnh, kơnhoàl Đăk Tô mờ xã Đăk Mar, kơnhoàl Đăk Hà.
Bal mờ khà tơl mpồl bơh 10 tus 13 nă đoàn viên, ơruh pơnu, tŭ geh rềs àr gơlik geh tàm gùng Hồ Chí Minh, ală kwang bàng bơh Mpồl dê rơ̆p tus tàm tiah gơtìp rềs àr nàng dong kờl bơh chờm, tus dong kờl mhar nàng kờñ tơrmù ƀà sồt să, chơ̆t să mờ sền gàr phan bơna bơh cau gơtìp rềs àr dê.
Viết bình luận