Cau ùr Dăk Lăk lam lơh “Tơngleh ào kăp” gờm chờ ală ngai chờ dờng nhai 3
Thứ sáu, 13:36, 27/02/2026
Cau mblàng K’Hạnh/VOV Tây Nguyên
Cau mblàng K’Hạnh/VOV Tây Nguyên
VOV.K’Ho- Lơh jat dơ̆ tĕ khà Cau ala mat Quôk hội khoă XVI mờ Cau ala mat Mpồl duh broă Làng bol ală kấp tơngai lơh broă bơh nam 2026–2031; tơngkah kir sơnrai 116 nam Ngai Dunia Cau ùr (08/3/1910–08/3/2026) bal mờ ală ngai chờ dờng tàm nhai 3, Mpồl tam klăc cau ùr càr Dăk Lăk lam lơh “Tơngleh ào kăp” mờ bơyai lơh ràng tơlik bal mờ tam ya tàm gùt càr.
Tơngleh ào kăp geh bơyai lơh bơh ngai 1/3 tus jơh ngai 8/3 tus. Tàm tơngai do, ală kấp Mpồl cau ùr hòi jà kwang bàng, cau tàm mpồl cau ùr, ùr kông cứk, viên cứk, cau lơh broă, kơnòm bơsram, cau bơsram dờng soh ào kăp tàm ngai lơh broă mờ ală broă lơh di pal; pơn jờng rơwah ào kăp bơhiàn ờs mờng, ào kăp lơh pa gàr niam bơta niam; niam jak.
Sơlơ tơnguh tai mblàng yal bè bơta kwơ, gơtha bơh ào kăp dê; lam cùp rùp, kŭp video, tam pà bal tàm internet nàng kờñ lơh gơrề uă rùp hin niam bơh cau ùr Dăk Lăk dê.
Viết bình luận