Dăk Lăk yal pơrya dờp gĭt mat kă bro pa tơnơ̆ tŭ tơmŭt bal mờ Phú Yên
Thứ tư, 06:00, 11/03/2026
Cau mblàng K’Hạnh/VOV Tây Nguyên
Cau mblàng K’Hạnh/VOV Tây Nguyên
VOV.K’Ho- Drim òr (10/03), Anih duh broă Làng bol càr Dăk Lăk bơyai lơh Dơ̆ jàu khà jờng dơ̆ pơrlòng bơceh lơh pơrya (Logo) dờp gĭt mat kă bro càr Dăk Lăk mờ broă lơh đơs crih tam ya 51 nam tam lơh pha lin Buôn Ma Thuột (10/3/1975 - 10/3/2026), gờm chờ dơ̆ tĕ khà Cau ala mat Quôk hội khoă XVI mờ Cau ala mat Mpồl duh broă Làng bol ală kấp tơngai lơh broă bơh nam 2026-2031.
Bơh uă dar ai điềm săc rơwah, Mpồl bơyai lơh neh jàu 4 khà Pơn jờng mờ 1 khà 1. Khà dùl gơwèt mờ cau bơceh lơh Hoàng Thị Thu Thảo, ơm tàm ƀòn dờng Đà Nẵng. Logo geh mòn lơh jat jơnau đơs lơh geh rùp tơngai pa tŭ do, niam ngan, ai rùp hin hìu jòng lơh anih tờm, là pơrya pơn rơ ngan bơh niam chài Tây Nguyên dê, pơgồp bal mờ rài kis mpồl bơtiàn, nùs nhơm tam klăc bal mờ bơhiàn niam chài is ală jơi bơtiàn ơm kis jŏ rài tàm ù tiah Dăk Lăk dê.
Jơnau pơrlòng geh rơwah lơh Logo ngan ngồn dờp gĭt mat kă bro bơh càr dê. Tàm broă lơh, đơng lam bồ càr Dăk Lăk neh lơh broă lơh yal Logo ngan ngồn càr dê. Logo geh kơ̆p kơnờm pơgồp bơnah yal tơngĭt uă rùp hin, bơhiàn niam chài is mờ bơta kơ̆p kờñ bơtàu tơnguh bơh tiah do dê tàm tơngai pa.
Viết bình luận