Broă lơh do bơh Ƀău Kwang ala mat làng bol đơng lam, pơgồp bal bơyai lơh di tơngkah 78 nam ngai Kac màng nhai 8 pha lin mờ sơn tờm dà lơgar (02/9), wèt tus tơngkah kir sơnrai 35 nam Ngai crơng gơs Ƀău Kwang ala mat làng bol (5/10). Đơs tàm dơ̆ mut lơh, Cau atbồ Mpồl sền sơ wì Ƀău Kwang ala mat làng bol mò Phạm Thị Thanh Huyền đơs nền, cồng nha bơh Kac màng nhai 8 nam 1945 dê mờ bơta crơng gơs bơh dà lơgar Việt Nam zân củ kộng hòa dê, tŭ do là lơgar Kộng hòa xã hội củ nghĩa Việt Nam là dùl tềl dờng màng ngan, dùl bơta àng gơ crà tàm rài kah yau khin cha jak chài jơi bơtiàn dê; ai dà lơgar he mut tàm dùl rài pa- rài lơngăp lơngai is jơi bơtiàn gơ jat bal mờ củ nghĩa xã hội; tề lam làng bol he bơh rài dĭ gơ da brồ guh tàm anih cíñ trị lơh tờm rài kis he dê.

Broă lơh đơs crih tam ya “Tơngai Ba Đình” pơgồp bơnah ai gŏ wơl nùs nhơm bơh ală nam nhai ờ gơtùi tŭ lơi huĭ; jờng rơ ƀòn lơgar, dà lơgar, jờng rơ Đảng, Bác Hồ, jờng rơ ală jai pha dờng màng bơh làng bol he dê, tài Việt Nam khin cha jak chài pràn kơldang.