Di Ngai Ƀòn dờng Dunia ngai 31/10, ƀòn dờng Dà Làc ngan ngồn geh UNESCO jờng rơ, mut bal tàm mpồl ală ƀòn dờng bơceh lơh UNESCO tàm gah đơs crih tam ya. Do là broă lơh kwơ màng nàng ƀòn dờng Dà Làc kơh bơnơm, pơn jat tai ngui niam bơta ƀuơn, bơta pràn bơceh lơh bè đơs crih tam ya, pơgồp bơnah rề ơnàng bơta gĭt gơ̆p lơh broă bal dunia, chồl tơnguh lơh sa- mpồl bơtiàn bơh càr dê sơlơ bơtàu tơnguh.

Jat ồng Trần Quang Tú, Củ tịc Ủy ƀan Ñân zân ƀòn dờng Dà Làc, bơdìh mờ broă lơh pràn broă lơh mblàng yal, tơnguh uă bơta gĭt wă, kơnòl broă bơh mpồl bơtiàn dê, Dà Làc gam lam lơh jat dùl ròt bal uă broă lơh nàng kờñ gàr kơ̆ sră jờng rơ, chồl tơnguh ƀòn dờng bơceh lơh bơtàu tơnguh bè đơs crih tam ya jat di mờ jơnau hơ mờ UNESCO dê. Tàm hơ̆, ngan là pal sền gròi lơh niam broă lơh prap gàr đơs crih tam ya bơh yau, lơh geh ală bơta ƀuơn bè gùng dà broă lơh, broă dong kờl nàng gơ hòi gơ jà, chồl tơnguh bơtàu tơnguh lila làm uă ală bơta đơs crih tam ya.