Tàm dơ̆ lơh, ală cau ala măt bal mờ gơ̆p kah wơl bơhiàn ờs mờng ală tŭ lơh gơs mờ bơtàu tơngguh càr Dăk Lăk, kun bồ ki ngàm pơdơng bơkàu, chu ñàng, tơlik nùs nhơm kah rơngal ală cau ling kộng sản, ală cau jàm cíñ trị lài do tàm Hìu jàm Buôn Ma Thuột, ală rơnàng kwang đơng lam bồ, kwang bàng, cau ling mờ làng bol ală jơi bơtiàn càr Dăk Lăk neh ờ ngòt bòl glar kal ke, phi să nàng bơ̆t bơtàu mờ bơtàu tơngguh càr Dăk Lăk.

Ồng Lại Đức Đại, Phó Kwang ătbồ Sở Niam chài, Tàp pràn să jan mờ Lòt nhơl càr Dăk Lăk pà git, dơ̆ chu ñàng là broă lơh sùm ờs mờng pah nam geh lơh tàm Tiah tềl lời wơl dà lơgar is ồn Hìu jàm Buôn Ma Thuột. Nam do, broă lơh sơlơ geh kwơmàng ngan tŭ bơyai lơh di dơ̆ tơngkah 120 nam Ngai tơnggơs càr, 84 nam Ngai tơnggơs Đảng ƀộ càr Dăk Lăk mờ wèt tus chờ hờp wă rò ală ngai chờ dờng bơh dà lơgar dê.