Dăk Lăk: Mang đơs crih “Jơnau đơs crih ưn ngài” chờ gờm Ngai cau pơgru Việt Nam
Thứ hai, 10:16, 20/11/2023
Cau mblàng Ndong Brawl/VOV Tây Nguyên
Cau mblàng Ndong Brawl/VOV Tây Nguyên
VOV4.K’Ho- Tàm hìu bơsram kấp 3 Hồng Đức, ƀòn dờng Buôn Ma Thuột, Mpồl Văn họk nghệ thuật càr Dăk Lăk pơgồp bal mờ Sở Giáo zụk mờ Đào tạo càr Dăk Lăk bơyai lơh mang đơs crih “Jơnau đơs crih ưn ngài”. Mang đơs crih là phan pà nùs nhơm pà ală cau pơgru in di Ngai Cau pơgru Việt Nam (20/11).
Tàm broă lơh, ală kwang bàng bal mờ cau sền geh sền ală dơ̆ đơs crih niam bơnĕ ngan geh ală cau chài đơs crih tus bơh mpồl đơs crih tamya kòn cau, Mpồl Văn họk nghệ thuật càr Dăk Lăk bal mờ ală cau pơgru, kơnòm bơsram tàm ală hìu bơsram kấp 3 tàm ƀòn dờng Buôn Ma Thuột lơh.
Bơh sơnrờp tus jơh dơ̆ đơs crih tamya, cau sền geh nùs nhơm iăt mờ sền dơ̆ đơs crih tamya geh uă bơta niam, bơh jơnau đơs ờs mờng bơceh pa bal mờ dơ̆ tamya “làng bol lơgar Việt Nam” tus mờ ală jơnau đơs crih chờ hờp bơh jơnau đơs crih Tây Nguyên dê ha là ală jơnau đơs crih ngoh rơngăc wăc rơwờl bơh ală jơnau đơs crih cih bè cau pơgru mờ hìu bơsram dê.
Viết bình luận