Kờp tus tŭ do, neh geh mờr 30 bòr cing, rlau 430 phan soh kòn cau bơh yau geh pà tus tàm ƀòn lơgar pơgồp bơnah prap gàr mờ ngui niam bơta niam chài cing mồng tàm càr Dăk Lăk. Jat hơ̆, nam do Sở neh pà 8 bòr cing Knah kòn cau Rơdê mờ 130 phan soh kòn cau Rơđê ai ală mpồl dròng cing, mpồl đơs crih tam ya tàm 9 ƀòn, 1 Hìu bơsram kấp pe kòn cau ơm sa tơn tàm hìu bơsram mờ 1 mpồl đơs crih tam ya kấp xã gơwèt 7 kơnhoàl, thị xã bơh càr Dăk Lăk dê. Do là nam dơ̆ 4, Sở Văn hóa- Thể thao mờ Zu lịc lơh broă pà cing mờ phan soh kòn cau bơh yau ai ală mpồl dròng cing, mpồl đơs crih tam ya tàm ală thôn, ƀòn in. Ngan là nam do, bal mờ priă jền bơh càr dê gam geh priă jền dong kờl bơh Anih tờm lơh broă bal dunia càr Jeollabuk, lơgar Hàn Quốk dê jat tơngume rơndăp broă lơh dong kờl bơta chài prap gàr mờ ngui niam phan lời wơl niam chài ờ di phan bơna tàm càr Dăk Lăk dê.