Dơ̆ ràng tơlik, dơ̆ pơrlòng chi che phan ròng lơh niam càr Dăk Lăk geh bơyai lơh bơh ngai 7 tus ngai 15 nhai 3. Broă lơh tơrgùm rlau 6 rơbô jơnau ràng tơlik mờ pơgap 1 rơbô phan ală bơta tus bal pơrlòng, bè: tờm chi lơh niam; Lŭ lơh niam; tờm tòng; dơm chi trah mòn; sềm lơh niam. Dơ̆ ràng tơlik gơ hòi gơ jà rlau 500 nă nghệ ñân tus bơh 11 càr, ƀòn dờng tàm gùt lơgar.

Dơ̆ ràng tơlik chi che, phan ròng lơh niam dơ̆ do nàng kờñ yal tơngĭt, yal bè ù tiah, kòn bơnus, ală bơta pơnđơl pràn lơh ngan bơh nghệ ñân, cau lơh suơn tàm càr Dăk Lăk dê đơs is mờ mpồl cau nghệ ñân tàm tiah do mờ gùt lơgar đơs bal tàm broă sền gàr, lơh jat niam bơta kwơ chi che, phan ròng lơh niam. Bơh hơ̆, sơlơ tơnguh bơta gĭt wă, tàm klăc bal, tìp mat lơh kwèng niam chài chi che, phan ròng lơh niam tus broă ai chi che, phan ròng lơh niam gơ gơs dùl gah lơh sa.