Dăk Lăk: Sơn đờm lam lơh rơndap broă prap gàr mờ ngui niam phan lời wơl niam chài ờ di phan bơna bơh lơgar Hàn Quôk dong kờl
Thứ năm, 09:28, 20/04/2023
Cau mblàng K'Duẩn/ VOV Tây Nguyên
Cau mblàng K'Duẩn/ VOV Tây Nguyên
VOV4.K'Ho - Drim ngai 19/4, Sở Văn hóa- Thể thao mờ Zu lịc càr Dăk Lăk bơyai lơh sơn đờm lam lơh rơndap broă “Prap gàr mờ ngui niam bơta kuơ niam chài phan lời wơl ờ di phan bơna tàm càr Dăk Lăk” bơh lơgar Hàn Quôk dong kờl kờp priă 55 rbô dolar Mỹ, lam lơh tàm nam do.
Tàm rơndap broă lơh, càr Dăk Lăk rơp pờ ală ơdŭ bơto bơta chài kuơmàng bè Jơnau đơs tòng bơr ai ơruh pơnu kòn cau Rơđê tàm kơnhoàl Cư Mgar in, bơto dròng cing pơgồp bal mờ tam ya xoang ai cau Jrai tàm kơnhoàl Ea Hleo in. Pà 5 bòr cing cau Jrai mờ cau Rơđê ai ală kơnhoàl Ea Hleo, Krông Năng, Cư Mgar, thị xã Buôn Hồ mờ ƀòn dờng Buôn Ma Thuột in. Pà 124 blah phan soh kòn cau Rơđê, kòn cau Jrai ai ală mpồl cing, mpồl đơs crih tamya geh pơn rơ tàm ală tiah. Lam lơh tơrgùm, cih wơl, kup sap ală jơnau đơs tòng bơr, cih jơnau, mblàng dà Yoan- dà kòn cau Rơđê; lip gơs sră mờ lơma bè đơs tòng bơr nàng drơng broă lơh mblàng yal mờ prap gàr ală bơta kuơ niam chài ờ di phan bơna tàm càr.
Viết bình luận