Dơ̆ pơrlòng was plung Độc mộc tàm dà dờng Pô Cô nam 2023 geh 39 mpồl was plung. Tơl mpồl geh 2 nă cau geh pơrlòng was plung độc mộc mờ bơta ngài 1 kơi sồ.

Di tàm dơ̆ do kung geh 13 mpồl dròng cing mồng, 14 mpồl tamya tus bơh 13 xã, thị trấn, anih lơh broă, mpồl lơh broă tàm kơnhoàl Ia Grai, Đức Cơ càr Gia Lai mờ kơnhoàl Ia H’ Drai, càr Kon Tum tus bal lơh geh ală dơ̆ dròng cing mồng tamya niam bơnĕ ngan tàm ngai chờ. Lơh chờ pơrlòng was plung độc mộc tàm dà dờng Pô Cô mờ Pơrlòng bơta Niam chài cing mồng geh kơnhoàl tiah nhàr dà lơgar Ia Grai bơyai lơh sùm nàng prăp gàr, tơnguh bơhiàn ờs mờng niam chài bơh làng bol dê.