Mờ broă lơh nền nòn geh bal bè ală jơnau ràng tơlik mờ săp đơs, ồs àng gơcrà, festival neh lơh ai cau sền in dùl broă lơh đơs crih tamya niam bơnĕ ngan, jờng rơ bơta kwơ nùs nhơm dờng màng bơh bơta niam chài cing mồng Tây Nguyên dê; jờng rơ cau tờm bơh phan lời wơl niam chài do là làng bol ală kòn cau Jarai, Bơnhàr, Rơđê, Sơdàng, Jeh Triêng, Mnông… ơm kis tàm 5 càr tiah kơh bơnơm là Kon Tum, Gia Lai, Dăk Lăk, Dăk Nông mờ Lâm Đồng. Tàm Festival, càr Gia Lai pơnyờ să geh dờp Sră rơndăp tăp sèng phan lời wơl dà lơgar kwơ màng bơh Thủ tướng Cíñ phủ jào pà gơwèt mờ phan lời wơl Rộc Tưng-Gò Đá mờ Kơrnoăt dờp phan dà lơgar gơwèt mờ Phan Lŭ yau Sơ Kỳ tàm An Khê.

Tàm broă bơyai lơh “Poh Niam chài-Lòt nhơl càr Gia Lai nam 2023” geh rơlao 1 rơbô nă cau chài tus bơh 5 càr tàm Tây Nguyên neh tus bal dơ̆ dròng cing mồng tàm gùng drà, geh gal ngan cau sền gròi, gơboh sền, đềt mềr rơlao mờ làng bol kung là broă mờ ală càr Tây Nguyên wèt tus nàng prăp gàr mờ ngui bơta niam chài cing mồng-Phan lời wơl niam chài ờ di phan bơna kòn bơnus dê. Bơh broă lơh chờ geh pơgồp bal tàm broă lơh geh bơta niam nàng tìp bal bơta niam chài, tơnguh tai nùs nhơm tam klăc, git wă bal, dong kờl bal đah ală làng bol ală jơi bơtiàn tàm càr Gia Lai mờ mpồl bơtiàn ală jơi bơtiàn gam kis tàm ală càr Tây Nguyên dê.