Broă lơh geh lơh bơh tŭ do tus ngai 06/12, bal mờ ală broă lơh, bè: Pơrjum yal tơngĭt, hòi jà lòt nhơl; tam bơkàu ƀan; broă lơh đơs crih tam ya tìp măt lơh kwèng mờ tơngume Điện Biên- Tiah đah mat tơngai mŭt dà lơgar dê- ƀòn dờng Hồ Chí Minh tàm tơrbŏ mờ bơtàu tơnguh; lik lòt pơdar tàm gùng niam chài gùng drà mờ tơngume “Điện Biên- rùp să bơtòm tơrgùm bal”.

Jơh ală ngai geh lơh Tơngleh là ràng tơlik rùp Bơh Tam lơh pha lin Điện Biên Phủ nam 1954 tus Tam lơh pha lin dờng kàl prang nam 1975. Tàm dơ̆ sơnđờm mŭt lơh, làng bol ƀòn dờng Hồ Chí Minh mờ năc lòt nhơl bơh dunia geh tơmŭt bal să jan he tàm rài kis nùs nhơm niam chài tiah kơh bơnơm, geh sền gŏ niam chài ƀòn lơgar bơh ală jơi bơtiàn: Thái, Mông, Hà Nhì, Dao dê; sền nàng gĭt bal Dơ̆ lơh yàng Tằng Cẩu kòn cau Thái, càr Sơn La dê mờ ală broă lơh ràng tơlik, yal tơngĭt bè niam chài, lòt nhơl, kă bro, lơh broă sa sươn sre bơh càr Điện Biên, càr Sơn La dê.