Do là broă lơh niam chài - lòt nhơl ndrờm pal kâp dà lơgar mờ jơnau kờñ gơ hòi gơ jà bơh 600 rbô tus 800 rbô nă làng bol mờ nac lòt nhơl tàm lơgar, bơdìh lơgar. 

Festival Dà lềng Khánh Hòa 2026 kờp dŭ bơyai lơh mờr 30 broă lơh niam chài, tàp pràn să jan, lòt nhơl mờ đơs crih tamya niam ngan. Bal mờ ală broă lơh tờm, festival gam geh uă broă lơh niam chài, sền git mờ kă bro phan bè tìp mat cribơyai ală lơgar bè bơtàu tơnguh lòt nhơl ơhò dà lềng, lơh chờ niam chài - phan sa yến sào Khánh Hòa, pơrlòng plung ƀuồm Khánh Hòa 2026, chờ àu kap Việt Nam, chờ klềng dờng ngan, tơng leh phan lơh gơs bơh suơn sre mờ phan OCOP, drà kă bro phan - phan sa ờs mờng bal mờ uă broă lơh đơs crih tamya tàm gùng nàng drơng nac lòt nhơl in.