Tàm mpồl 14 nă cau chài tus lơgar Hàn Quốk dơ̆ do, Rcom Bus, deh nam 2002, kis tàm ƀòn Pleiku Roh, sơnah ƀòn Yên Đổ, ƀòn dờng Pleiku là cau gam kơnòm ngan. Bi pà git, bi geh tus bal jơh tàm 7 dơ̆ dròng cing mờ teh phan jŏ tàm 40 phút. Hơ̆ là 2 jơnau dròng cing, mờ ală jơnau teh dờng ting ning, kơñi, uh kơwào, đơs jơnau pơn đik.

Rcom Bus pà git tai, ală jơnau dròng cing teh mờ uh phan do ndrờm geh săp chờ niam, yal nàng ală bơyô tàm dunia in git bè bơta niam chài, krơi is bơh phan teh uh ờs mờng mờ rài kis bè ờs bơh jơi bơtiàn kòn cau kis tàm Tây Nguyên dê. Lơh chờ nam do geh sơn đờm mŭt lơh tàm ngai 15 nhai 09, mờ tơn jơh tàm ngai 24 nhai 09 tàm Anih tờm đơs crih tamya Sori, càr Jeonbuk, lơgar Hàn Quốk. Do geh là dơ̆ sơnrờp ală phan teh, uh mờ săp đơs jơnau pơn đik kòn cau Jarai geh yal tàm anih đơs crih lơgar Hàn Quốk dê.