Gia Lai: Lam lơh jơh gùt làng bol pơlam tàp re dà, rcang sơndră bŭ dà
Thứ tư, 09:10, 07/06/2023
Cau mblàng K’Hạnh/VOV Tây Nguyên
Cau mblàng K’Hạnh/VOV Tây Nguyên
VOV4.K’Ho- Drim ngai 6/6, tàm Hìu tàm pơrlòng tàp pràn să jan càr Gia Lai, Sở Văn hóa Thể thao mờ Du lịc neh sơnđờm mut lơh ngai Olympic kơnòm dềt mờ lam lơh jơh gùt làng bol pơlam tàp re dà, rcang sơndră bŭ dà tàm ù tiah càr dê mờ Dơ̆ pơrlòng re dà jak ngan càr Gia Lai nam 2023.
Jat Sở Văn hóa-Thể thao mờ Du lịc càr Gia Lai, bŭ dà gam là jơnau tờm khà dùl lơh gơbàn chơ̆t kơnòm dềt mờ ơruh pơnu,kơnòm pa tàu tàm càr dê. Bơh bồ nam tus tŭ do, gùt càr gơlik geh 22 dơ̆ bŭ dà, lơh 30 nă kơnòm dềt chơ̆t, lời wơl bơta jê sồt moat jrùm ờ tŭ lơh jơh tàm uă hìu bơnhă.
Tàm dơ̆ bơyai lơh, ală kơnòm bơsram geh yal jơnau gĭt wă mờ bơto pơlam re dà ală tơngume, bè: bơta chài dong kờl tŭ gơtìp bŭ dà; ală bơta dong kờl tŭ gơtìp rềs àr sồt să; dong kờl ală bơta gơlik geh tŭ gŏ cau gơbàn rềs àr bŭ dà; broă dong kờl tŭ gơtìp pơhăt dà. Kung tàm broă lơh, Mpồl bơyai lơh neh bơyai lơh sơnđờm mut lơh dơ̆ pơrlòng re dà jak ngan càr Gia Lai nam 2023, mờ 150 nă cau tus bal rơ̆p tàm pơrlòng tàm 5 rơnàng bơh 7 tus 17 sơnam.
Viết bình luận