Tàm dơ̆ lơh chờ kơphe dơ̆ 8 nam 2023, drim òr (10/03), tàm tiah tờm Chài rơgơi càr Dăk lăk neh bơyai lơh Drà ràng tơlik jăt tơngu me Kơphe. Tàm do, Kông ty Kổ phần Tập đoàn lơh sa Mỹ Việt mùl màl gơs cau tờm ngui bơh bơta pơnrơ “Kơl dung kơphe klài dờng ngan lơgar Việt Nam dê”.

Tiến sĩ Lê Doãn Hợp, Ƀộ trưởng Ƀộ Thông tin mờ Truyền thông lài do, Củ tịc Mpồl duh broă ai dờp Mpồl phan geh pơnrơ ngan lơgar Việt Nam neh jào pà sră lời kir bơh Mpồl lơh broă geh pơnrơ ngan Việt Nam dê ai Kông ty Kổ phần Tập đoàn Lơh sa Mỹ Việt in. Di tàm dơ̆ do, tơlik nùs nhơm ki ngàm, git ưn ngài ală cau ling gam ngai kung bè mang sền gàr ù tiah dà lơgar, Kông ty Kổ phần Tập đoàn Lơh sa Mỹ Việt pơyoa pà “Kơl dung kơphe klài dờng ngan lơgar Việt Nam dê” do tus kwang bàng, cau ling tàm pôs ling sền gàr tiah nhàr dà lơgar Tam Hợp, kơnhoàl Tương Dương, càr Nghệ An in.