Tàm 2 nam do, gùt càr neh pà 137 bòr cing mồng, sơnggơr ai ală thôn, ƀòn jơi bơtiàn dùl êt nă cau ơm kis bơh jŏ tàm càr in, pờ 143 ơdŭ bơto dròng cing, jañ mồng, tamya xoang. Tus tŭ do, gùt càr Kon Tum neh geh 409 thôn, ƀòn jơi bơtiàn dùl êt nă cau ơm kis bơh jŏ neh lơh wơl gơtùi hìu rông bơh yau- dùl anih kuơmàng ngan gơ wèt mờ broă lơh niam chài cing mồng bơh ƀòn lơgar dê.

Càr Kon Tum kung lam lơh uă broă lơh bè: bơyai lơh bơto bơtê bè bơta chài dròng cing jañ mồng, tamya xoang; lam lơh bơto bơsram phan lời wơl niam chài tàm hìu bơsram 3 kâp, bơyai lơh pơrlòng cing mồng nàng jờng rơ, pơn jờng ală nghệ ñân bơto wơl, mblàng wơl phan lời wơl niam chài cing mồng ai ală rơnàng tơnơ̆ in.