Mờ tơngume “Lâm Đồng- Tiah kơh bơnơm dờng ơning ơnàng”, Tơngleh kwơ màng Lòt nhơl Lâm Đồng kờp dŭ geh bơyai lơh bơh ngai 27/04 tus ngai 3/5 tus tàm jơh gùt ală kơnhoàl, ƀòn dờng tàm càr dê. Tàm hơ̆, tơrgùm uă ngan tàm ƀòn dờng Dà Làc, mờ uă broă lơh niam ngan, bè: dơ̆ lơh chờ đơs crih tam ya dunia; Ù tiah ràng tơlik, yal tơngĭt bơta niam chài ală jơi bơtiàn kòn cau tàm càr dê; Ù tiah phan sa “Phan sa bơkah Dà Làc”; Ràng tơlik rùp niam “Ƀòn lơgar- Kòn bơnus Tây Nguyên- Tiah kềng gah Dà lềng tiah tàm gùl lơgar”; Broă lơh ràng tơlik đơs crih tam ya bơh yau mờ ràng tơlik phan soh kòn cau– “Bơhiàn niam bơnĕ Phan lời wơl Niam chài tiah đah Jum Tây Nguyên dê”.

Jat mò Nguyễn Thị Bích Ngọc, Phó Kwang atbồ Sở Văn hóa, Thể thao mờ Zu lịch càr Lâm Đồng yal, Tơngleh kwơ màng Lòt nhơl nam do là bơta tam tơrbŏ bal bơnĕ bơnài bơh uă broă lơh niam chài, tàp pràn să jan, lơh geh phan bơna nhơl chờ pa drơng jơnau kờñ lòt sền, sền gĭt bơh năc lòt nhơl tàm lơgar mờ lơgar ndai dê.