Jat hơ̆, càr Lâm Đồng sền gĭt ngui uă ngan rlau jơh drà năc gùng ù gờl is ồn là năc tàm dơlam is càr dê mờ bơh ală tiah rềp bal; mhar lơh sir, tơmŭt tàm broă ngui geh cồng nha ală phan bơna lòt nhơl lơh bal mờ ală tiah jat “Dà Làc - Tào Dùng - Mũi Né”; lơh geh ală gơl gùng lòt nhơl is ồn “Dà lềng - Bơnơm - Bơkào”; “Jat kềng gah dà lềng- Tiah kơh bơnơm- Suơn bal dờng” lam lơh broă lơh gơ hòi gơ jà lòt nhơl jat tơl tŭ tơngai, geh bơta tus bal ring bal bơh ală mpồl lơh sa kă bro, anih kă bro năc ơm kis ing, lam năc lòt nhơl, jun pơndiang, tiah tus lòt nhơl, ală anih drơng broă lòt nhơl; sơlơ tơnguh tai broă lơh atbồ dà lơgar tàm gah lòt nhơl; bơyai lơh ală broă lơh dờng mờ lơh pràn bơto bơtê, tề lam mpồl lơh broă lòt  nhơl jat gùng dà ngan ngồn, pơgồp bal mờ mờ jơnau kờñ mpồl lơh sa kă bro dê.

Càr Lâm Đồng pơnđơl pràn lơh ngan tàm nam 2026 wă rlau 25 tơlak dơ̆ năc lòt nhơl, tàm hơ̆ năc ală lơgar lơh geh 1 tơlak 500 rơbô dơ̆ mờ priă lơh geh bơh broă lơh lòt nhơl lơh geh pơgăp 71 rơbô 500 tơmàn đông gơguh 26% pơndrờm mờ nam 2025.