Tàm dơ̆ pơrjum, ală kwang bàng neh yal wơl rài bơhiàn 70 nam kŭp rùp Việt Nam mờ Kŭp rùp Dăk Lăk. Tàm càr Dăk Lăk, tơnơ̆ rơlao 30 nam bơh tŭ geh lơh, mpồl kŭp rùp (gơwèt Mpồl Văn họk Nghệ thuật) tus tŭ do neh geh 33 nă cau, tàm hơ̆ 17 nă cau là cau tàm mpồl kŭp rùp Dà lơgar; geh 4 nă cau geh jào pà khà cau chài kŭp rùp jăk mờ Jăk ngan.

Ală cau chài kŭp rùp càr Dăk Lăk sùm lơh jăt gùng dà bơh Đảng, geh ală pang rùp uă bơta tàm ală gah rài kis, bơta chài rơgơi mpồl bơtiàn, tơnguh bơtàu lơh sa, bơta lơngăp lơngai, sền gàr dà lơgar, tơrgùm bal dunia, bơsram mờ lơh jăt ơnà jăk, nùs nhơm niam Hồ Chí Minh... pơgồp bal tàm broă yal rùp rài càr Dăk Lăk, Tây Nguyên, dà lơgar kòn bơnus Việt Nam tus mờ ală bơyô tàm lơgar mờ lơgar bơdìh. Di tàm dơ̆ do, Mpồl Văn họk Nghệ thuật càr Dăk Lăk neh lam lơh 2 dơ̆ pơrlòng kŭp rùp, tàm hơ̆ geh: Dơ̆ pơrlòng mờ ràng tơlik rùp niam “Buôn Ma Thuột – Dăk Lăk mŭt gơrờm bal mờ tơnguh bơtàu” nam 2023 mờ dơ̆ pơrlòng rùp “Tŭ jơ Lơh chờ kơphe Buôn Ma Thuột  dơ̆ 8 nam 2023”.