Mho ngai 27/07, mpồl coh plai cau ùr bơh Cau pơlam tàp ồng Mai Đức Chung dê tàm pơrlòng coh plai mờ mpồl sac rơwah cau ùr lơgar Bồ Đào Nha, kung là dùl mpồl coh plai cau ùr pa gam kờñ ngan geh điềm sồ kah yau. Bảng E bơh World Cup cau ùr nam 2023 dê geh bơyai lơh jat di mờ broă rơndăp lơh geh kờp dŭ lài lài hơ̆. Mpồl coh plai cau ùr pràn ngan rlau jơh dunia lơgar Mỹ mờ Mpồl coh plai cau ùr pràn dơ̆ bàr dunia lơgar Hà Lan kung neh jai pha ƀuơn ngan tàm dơ̆ coh plai. Tàm tŭ hơ̆ 2 mpồl coh plai cau ùr pa là lơgar Bồ Đào Nha mờ Việt Nam kung gam ờ hềt geh điềm lơi geh tàm pơrlòng tàm tŭ 7 jiơ nggùl mang do (jat jiơ tiah do dê), hơ̆ là 2 jiơ nggùl mho do (jăt jiơ lơgar Việt Nam dê) ngai 27/07.

 Sơr lèt gan bơta kơlôi rcang ngòt “ờ geh vĕ mŭt tàm dar pơn jăt tai”, ală mpồl coh plai cau ùr lơgar Bồ Đào Nha mờ Việt Nam geh bơta gơn kơnờm uă ngan nàng tă pơgồp dà kơl hề rlau 100% bơta pràn, tài bơh dơ̆ tàm pơrlòng coh plai cau ùr kah yau tàm dơ̆ sơn rờp tus bal tàm anih coh plai dờng ngan rlau jơh plai ù dê. Tàm ƀảng săp sèng FIFA, lơgar Bồ Đào Nha gam ơm dơ̆ 21, ai lơgar Việt Nam ơm dơ̆ 31, den tàng mpồl coh plai bơh câu Âu dê geh đơs là pràn rlau mờ ala mat bơh tiah đah Jum mat tơngai lik câu Á dê.