Geh lơh bơh tŭ do tus jơh nhai 4 tus do, tơngume “Phan soh bơh yau ală jơi bơtiàn kòn cau tàm Dăk Lăk” geh 175 phan lời kir mờ rùp hin, phan soh bơh 48 jơi bơtiàn kòn cau gam ơm kis tàm Dăk Lăk. Ală phan lời kir geh ràng tơlik gơs 8 tơngume ndrờm mờ 8 mpồl dà đơs, yal tơnggit bơta niam chài, rài kis bơh mpồl bơtiàn ală jơi bơtiàn kòn cau dê bơh ală blah phan soh, phan wan, phan dò tàm să mờ phan ngui pah ngai khi dê. Bal mờ hơ̆, tàm anih ràng tơlik gam geh ală broă lơh sền git bè: tàñ ồi kòn cau, yal tơnggit 2, 3 bơta phan bơkah bơh Dăk Lăk dê, trŭ gơm mờ sa ală phan sa ờs mờng cau Rơđê dê.

Di dơ̆ do, Ƀảo tàng Dăk Lăk kung yal tơnggit broă lơh tam gơl sồ geh lam lơh tàm Ƀảo tàng bè: tơlik mat mờ ai ngui măi mblàng is dà đơs tàm broă drơng nac lòt sền ràng tơlik; pơlam nac nhơl chờ ngui App lòt sền tàm ală măi mok điện tử ngac ngar; sền mờ tơm bơh bơr mờ phan lời kir mờ kông nghệ ù tiah 3D, sền git ală broă lơh mờ măi mok ngan, ờ ngan.