Mờ jơnau kờñ jờng rơ ală bơta kuơ niam chài bơh yau niam bơnĕ bơh ală jơi bơtiàn tiah Tây Nguyên dê, yal tơnggit, tơnguh jơnau kờñ lòt nhơl, Ngai chờ niam chài, tàp pràn să jan mờ lòt nhơl ală jơi bơtiàn tiah Tây Nguyên dơ̆ 1 nam 2023 geh bơyai lơh tàm 3 ngai, bơh ngai 29/11 tus ngai 01/12 tàm ƀòn dờng Kon Tum, càr Kon Tum, geh mờr  1 rbô nă cau chài, cau pơrlòng tàp pràn să jan làng bol ală jơi bơtiàn tŭ do gam ơm kis tàm ù tiah 5 càr Tây Nguyên. Mờ tơngume “Dờng ơning ơnàng tiah Tây Nguyên- Bơta niam chài bơtòm tơrgùm”, Ngai chờ niam chài, tàp pràn să jan mờ lòt nhơl ală jơi bơtiàn tiah Tây Nguyên dơ̆ 1 nam 2023 geh lơh mờ uă broă lơh li la ngan. Bal mờ bơnah lơh bơhiàn ờs mờng, bơnah lơh chờ geh ală broă lơh niam chài, tàp pràn să jan mờ lòt nhơl.