Mờ tơngu me “Ơruh pơnu càr Dăk Lăk mờ broă prăp gàr, yal bơta niam chài ờs mờng ală jơi bơtiàn kòn cau kis bơh yau tàm càr”, geh bơyai lơh tàm nùs nhơm niam bơnĕ ngan.

Ală cau jà neh tam pà uă tơngu me gơrềng tus mờ bơchài rơgơi jơi bơtiàn kòn cau, bơta krơi is, niam bơnĕ, ai geh bơta niam chài ờs mờng bơh ală jơi bơtiàn kis bơh yau dê; broă prăp gàr mờ tơnguh bơtàu bơta chài rơgơi tàm càr; broă jòi nàng git nền nòn, cih gơs pang sră bè bơta chài rơgơi; ờ uă broă lơh kông nghệ nàng geh tus bal bè bơta chài rơgơi tàm broă lơh sa mờ măi mŏk 4.0 tŭ do. Đoàn viên, ơruh pơnu kung đơs ală jơnau kơlôi sơnơng bơh să tờm bè bơta chài rơgơi ờs mờng; tam pà bal bè bơta kal ke, gơkòl tàm broă prăp gàr, yal bơta chài rơgơi ờs mờng ală jơi bơtiàn kòn cau kis bơh yau tàm càr dê.