Mờ tơngu me “Prăp gàr, ngui niam mờ lơh geh uă bơta niam chài ờs mờng bơh ală jơi bơtiàn ờ gal bơnus”, ngai chờ neh pơgồp bal tàm broă lơh gơguh mpồl tam klăc dờng jơh gùt  jơi bơtiàn; pơn jờng, ngui ală bơta niam chài ờs mờng niam bơnĕ bơh ală jơi bơtiàn geh khà kờp làng bol hờ đơm 10 rơbô nă gùt lơgar đơs is mờ bơta niam chài ờs mờng bơh 54 jơi bơtiàn Việt Nam dê đơs bal.

11 mpồl tus bơh 11 tiah geh khà kờp làng bol hờ đơm 10 rơbô nă neh cèng tus ngai chờ ală bơta broă, bơta niam chài, mờ bồ tơngoh bơta chài bal mờ bơta niam krơi is ai tơngŏ rài lài do, bơta niam chài, krơi is bơh ală jơi bơtiàn dê. Bŭ lah broă tơlik phan soh bè ờs, ƀuơn gŏ, mơya kung gam geh tơl ală bơta niam chài ờs mờng mờ broă tus bal bơh mpồl cau duh khoai, cau chài, bal mờ uă phan pơdang, jơnau đơs crih, tamya, lơh geh wơl bơta niam mùl màl bơh rài kis bal mờ ai tơngŏ nùs nhơm tam klăc bal ală jơi bơtiàn dê.