Ràng tơlik geh 150 pang rùp bơh ngai Hà Nội rơ̆p sơn đờm rề ơnàng ù tiah tàm ngai 01 nhai 08 nam 2008 tus tŭ do. Bơh tŭ hơ̆ ai tơngŏ rơhời bơtàu tơnguh bè lơh sa mpồl bơtiàn, rài kis làng bol, broă lơh mờ lơgar bơdìh, bơta lơngăp lơngai – sền gàr dà lơgar... bơh Càr lơgar dê tàm 15 nam do, ai tơngŏ broă lơh ngan rề ơnàng ù tiah Càr lơgar là di pal.

Ràng tơlik mờ ală pang rùp niam bè Càr lơgar Hà Nội – plai nùs gùt lơgar dê, mờ muh măt pa, gam lơh ngan bơtàu tơnguh pràn kơl dang, lơh geh uă cồng nha dờng màng, di pal là tiah tờm cíñ trị - broă lơh sră nggal dà lơgar dê, tiah tờm dờng bè bơta niam chài, khoa họk, bơto bơtê, lơh sa mờ lơh broă mờ dunia bơh gùt lơgar dê. Ràng tơlik pơgồp bal tàm broă lơh geh nùs nhơm pơnyờ să, pơlam kwang bàng cau đảng viên mờ Làng bol tam klăc bal, dùl nùs bal, lơh ngan bơ̆t bơtàu Càr lơgar ngai sơlơ pas gơs, gơguh jăk, pa niam.